Թոման Ուիլյամ Հիդելսոթոն (անգլ.` Thomas William Hiddleston, փետրվարի 9, 1981(1981-02-09)[1], Վեստմինստեր, Լոնդոն), բրիտանացի կինոյի, թատրոնի և հնչյունավորման դերասան։ Ավելի հայտնի է «Թոր» (2011)[5], «Կեսգիշերը Փարիզում» (2011), «Վրիժառուները» (2012), «Թոր։ Խավարի թագավորությունը» (2013) ֆիլմերի շնորհիվ։
Թոմ Հիդելսթոնը ծնվել է 1982 թվականի փետրվարի 9-ին Վեստմինստրում (Լոնդոն, Անգլիա, Մեծ Բրիտանիա)։ Նա սովորել է 2 մասնավոր դպրոցում՝ Օքսֆորդի «Դրակոն» դպրոցում և Բերշիրի Իթոն քաղաքի (Վինձորի մոտակայքում) Իթոնյան դպրոցում, որտեղ ապրել է Դուրֆորդ տանը։ Քեմբրիջում՝ որտեղ նա նույնպես կրթություն է ստացել, Հիդելսթոնը մասնակցել է «Ցանկություն տրամվայը» բեմակատարությանը։ Դրանից հետո՝ 2005 թվականին, ավարտել է Դրամատիկական արվեստի թագավորական ակադեմիան (անգլ.՝ Royal Academy of Dramatic Art (RADA))։
Իր առաջին դերը Հիդելսթոնը խաղացել է «Նիկոլաս Նիքլբիի կյանքը և արկածները» (2001) ֆիլմում։ Իր հաջորդ դերերը՝ «Դավադրություն» (2001), «Չերչիլ» (2002), «Շեքսպիրի սոնետների գաղտնիքը», այլ ֆիլմեր և հեռուստասերիալներ նույնպես եղել են հեռուստատեսությունում։ Իր առաջին խոշոր դերը նա ստանում է «Ջեյն Օսթինի սիրային անհաջողությունները» ֆիլմում (2008)։ 2008 թվականին 2 անգամ նոմինացվել է լավագույն դեբյուտ անվանակարգում՝ «Ցիմբիլին» և «Օթելլո» (որտեղ տարել է Կասսիոյի դերը) թատերական ներկայացումների համար[6]։ Ի վերջո շահում է մրցանակը՝ «Ցիմբիլինի» իր դերի համար։ Այդ նույն տարում Թոմը հաղթում է «Երկրորդ պլանի լավագույն դերասան» անվանակարգում՝ Կասսիոյի («Օթելլո») և «Լվովի» (Անտոն Չեխովի ստեղծագործության) դերերի շնորհիվ։
Իր համար իսկական առաջխաղացում էր «Marvel Studio»-ի[7] հետ 2 ֆիլմերի՝ «Թորի» և «Վրիժառուների» համար պայմանագիր կնքելը (այստեղ նա տանում է Լոքիի դերը[8])։ 2011 թվականին նա խաղում է նախորդ դարի կերպարների դերեր «Կեսգիշերը Փարիզում» և «Մարտական ձի» ֆիլմերում, որոնց գործողությունները տեղի են ունենում 20-րդ դարի սկզբին։ Հիմա Հիդելսթոնը նորից աշխատում է «BBC» ընկերության հետ՝ նկարահանվելով «Հենրիխ 4-րդ» պատմական ֆիլմում, որտեղ սկզբում տարել է արքայազն Հեյլի, իսկ այնուհետև՝ Հենրիխ 4-րդ թագավորի դեր։