Անձրևից առաջ
Անձրևից առաջ | |
---|---|
տեսակ | գեղանկար |
նկարիչ | Ֆեոդոր Վասիլև |
տարի | 1870 |
բարձրություն | 40,4 սանտիմետր |
լայնություն | 58,2 սանտիմետր |
ժանր | բնանկար |
նյութ | կտավ և յուղաներկ |
գտնվում է | Տրետյակովյան պատկերասրահ |
հավաքածու | Տրետյակովյան պատկերասրահ |
Ծանոթագրություններ |
«Անձրևից առաջ» (ռուս.՝ «Перед дождём»), ռուս նկարիչ Ֆեոդոր Վասիլևի (1850-1873) նկարը, որ ստեղծվել է 1870-1871 թվականներին։ Ներկայում կազմում է Տրետյակովյան պատկերասրահի հավաքածուի մաս (ինվ. 901)։ Նկարի չափերը՝ 39,7 × 57,5 սմ[1] (ըստ այլ տվյալների՝ 40,4 × 58,2 սմ[2])։
Պատմություն[խմբագրել | խմբագրել կոդը]
«Անձրևից առաջ» նկարը Ֆեոդոր Վասիլևն ստեղծել է 1870-ական թվականների սկզբին․ ըստ Տրետյակովյան պատկերասրահի կատալոգի՝ 1870-1871 թվականներին[1], ըստ Նիկոլայ Նովոուսպենսկու գրքի՝ 1870 թվականին՝ նկարչի՝ Վոլգա մեկնելուց առաջ[3]։
Նկարը ցուցադրվել է Ֆեոդոր Վասիլևի աշխատանքների հետմահու ցուցահանդեսում, որը կայացել է Սանկտ Պետերբուրգում 1874 թվականի հունվարին։ Այն գնել է Պավել Տրետյակովը 1884 թվականին՝ Ի․ Վարգունինի հավաքածուի նկարների աճուրդի ժամանակ[1]։
Նկարագրություն[խմբագրել | խմբագրել կոդը]
Նկարը ներկայացնում է գյուղական բնապատկեր, որտեղ պատկերված է գյուղական կենցաղի տեսարան․ երկու գեղջկուհիներ սագերին քշում են կամրջակի վրայով, որը գցված է առվակի վրա։ Հեռվում երևում են գյուղական տներ։ Կտավում զգացվում է անձրևից առաջ իրող լարվածությունը․ երկինքը պատված է սև ամպերով, իսկ ծառերը թեքվել են քամուց[3]։
Ռուսական պետական թանգարանում պահվում է Վասիլևի «Կամրջակ առվակի վրա» սեպիան, որն օգտագործվել է «Անձրևից առաջ» նկարի ստեղծման ժամանակ[1]։
Արձագանքներ[խմբագրել | խմբագրել կոդը]
Արվեստագետ Ֆաինա Մալցևան գրել է, թե «Անձրևից առաջ» նկարում «ամեն ինչ կարծես մոտեցել է կյանքին և ձեռք է բերել բնականության այն անհրաժեշտ չափը, որի շնորհիվ վերցված սյուժեն ընկալվում է որպես նկարչի կողմից էմոցիոնալ կերպով վերապրված իրական երևույթ»[4]։
Արվեստագետ Նիկոլայ Նովոուսպենսկին Վասիլևի արվեստին նվիրված իր գրքում «Անձրևից առաջ» նկարի մասին գրել է[3]․
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 Государственная Третьяковская галерея — каталог собрания / Я. В. Брук, Л. И. Иовлева. — Москва: Красная площадь, 2001. — Т. 4: Живопись второй половины XIX века, книга 1, А—М. — С. 100. — 528 с. — ISBN 5-900743-56-X
- ↑ «Васильев Федор Александрович — Перед дождем, 1870—1871». Государственная Третьяковская галерея — www.tretyakovgallery.ru. Արխիվացված է օրիգինալից (HTML) 2014 թ․ մայիսի 13-ին. Վերցված է 2014 թ․ ապրիլի 13-ին.
- ↑ 3,0 3,1 3,2 Н. Н. Новоуспенский Федор Александрович Васильев. — Москва: Изобразительное искусство, 1991. — С. 46—47. — 160 с.
- ↑ Ф. С. Мальцева Федор Александрович Васильев. — М.: Искусство, 1984. — С. 114—115. — 272 с.
Արտաքին հղումներ[խմբագրել | խմբագրել կոդը]
- «Васильев Фёдор Александрович — Перед дождем, 1870—1871» (HTML). www.art-catalog.ru. Վերցված է 17.11.2014-ին.