Անևրին Ուիլյամս
Անևրին Ուիլյամս անգլ.՝ Aneurin Williams | |
---|---|
Ծնվել է | հոկտեմբերի 11, 1859 |
Ծննդավայր | Dowlais, Merthyr Tydfil, Ուելս, Մեծ Բրիտանիայի և Իռլանդիայի միացյալ թագավորություն |
Մահացել է | հունվարի 20, 1924 (64 տարեկան) |
Քաղաքացիություն | Մեծ Բրիտանիայի և Իռլանդիայի միացյալ թագավորություն |
Կրթություն | Սուրբ Ջոնի քոլեջ |
Մասնագիտություն | քաղաքական գործիչ |
Ամուսին | Helen Elizabeth Pattinson? |
Ծնողներ | հայր՝ Edward Williams? |
Զբաղեցրած պաշտոններ | Միացյալ Թագավորության 31-րդ խորհրդարանի անդամ, Միացյալ Թագավորության 30-րդ խորհրդարանի անդամ և Միացյալ Թագավորության 29-րդ գումարման ազգային ժողովի անդամ |
Կուսակցություն | Լիբերալ կուսակցություն |
Երեխաներ | Լոլո Անևրին Ուիլյամս և Ուրսուլա Ուիլյամս |
Անևրին Ուիլյամս (անգլ.՝ Aneurin Williams, հոկտեմբերի 11, 1859, Dowlais, Merthyr Tydfil, Ուելս, Մեծ Բրիտանիայի և Իռլանդիայի միացյալ թագավորություն - հունվարի 20, 1924), անգլիացի հասարակական և քաղաքական գործիչ։
1912 թվականից՝ պառլամենտի անդամ լիբերալ կուսակցությունից, 1913 թվականից՝ Բրիտանա-հայկական կոմիտեի, միաժամանակ՝ Հայ գաղթականների «Լորդ Մեյորզի ֆոնդի» նախագահ։
Արտգործնախարար Էդուարդ Գրեյին հղած 1914 թվականի սեպտեմբերի 14-ի նամակում պնդել է, որ Օսմանյան կայսրության քրիստոնյա բնակչության վրա կախվել է ֆիզիկական ոչնչացման սպառնալիքը։ 1915 թվականի մայիսի 2-ին առաջիններից էր, որ դիմել է արտգործնախարարությանը պահանջելով խնդրագիր հղել ԱՄՆ-ի կառավարությանը, որպեսզի վերջինս զգուշացնի Թուրքիային հայերի նկատմամբ վարած քաղաքականության վերաբերյալ։ Մշտապես հանդիպել է կառավարության նախագահի և անդամների հետ, խոսել հայկական հարցի մասին։ Հանդիպումներ է ունեցել Պողոս Նուբարի, Ավետիս Ահարոնյանի, Ալեքսանդր Խատիսյանի և այլ հայ գործիչների հետ։ Պառլամենտում ելույթ է ունեցել Մուդրոսի զինադադարի (1918) քննադատությամբ, դեմ արտահայտվել անգլիական զորքերը Հայաստանից դուրս բերելուն։ 1921 թվականին քննադատել է կառավարությանը՝ հայերին տված խոստումները չկատարելու համար։ Անգլիական մամուլում հրապարակել է բազմաթիվ հոդվածներ հայկական հարցի վերաբերյալ։
Այս հոդվածի կամ նրա բաժնի որոշակի հատվածի սկզբանական տարբերակը վերցված է «Հայկական հարց» հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ |
|