Աշոտ Օրդուխանյան
Աշոտ Օրդուխանյան | |
---|---|
Ծնվել է | ապրիլի 26, 1953 (71 տարեկան) |
Ծննդավայր | Երևան, Հայկական ԽՍՀ, ԽՍՀՄ |
Կրթություն | Երևանի պետական համալսարան (1975) |
Կոչում | պրոֆեսոր |
Գիտական աստիճան | կենսաբանական գիտությունների դոկտոր |
Մասնագիտություն | կենսաֆիզիկոս |
Աշխատավայր | ՀՀ ԱՆ և Երևանի պետական համալսարան |
Աշոտ Արսենի Օրդուխանյան (ապրիլի 26, 1953, Երևան, Հայկական ԽՍՀ, ԽՍՀՄ), հայ կենսաֆիզիկոս։ Կենսաբանական գիտությունների դոկտոր (1989), պրոֆեսոր (1987):
Կենսագրություն[խմբագրել | խմբագրել կոդը]
Աշոտ Օրդուխանյանը ծնվել է 1953 թվականի ապրիլի 26-ին, Երևան քաղաքում։ 1975 թվականին ավարտել է Երևանի պետակսն համալսարանի ֆիզիկայի ֆակուլտետը։ 1980-1987 թվականներին եղել է ՀՀ առողջապահության նախարարության տեղեկատվահաշվողական կենտրոնի կենսաչափության բաժնի, միաժամանակ՝ Սրտաբանության գիտահետազոտական ինստիտուտի մաթեմատիկայի վիճակագրության խմբի, 1987-1992 թվականներևի՝ Երևանի պետական համալսարանի կենսաչափության և ծրագրավորման հատուկ դասընթացների ղեկավար։ 1992 թվականին եղել է առաջատար գիտաշխատող, միաժամանակ՝ Սեյսմիկ պաշտպանության ազգային ծառայության սեյսմոլոգիայի բաժնի, 1992-1994 թվականներին՝ Մոսկվայի «Հոմոսֆերա» անկախ հետազոտությունների ինստիտուտի «Կենսաչափություն» լաբորատորիայի վարիչ, 1994-1996 թվականներին աշխատել է ՌԴ կառավարությանը կից բժշկական կենտրոնի գլխավոր գիտահետազոտական հաշվողական կենտրոնում, միաժամանակ՝ Մոսկվայի պետական համալսարանի դասախոս, 1997 թվականին՝ Մոսկվայի ձեռներեցության և իրավունքի ինստիտուտի էկոլոգիայի դասընթացի ղեկավար, 1998-2000 թվականներին՝ Ռուսաստանի գիտությունների ակադեմիայի ֆիզքիմիայի դեղաբանության տեսական հիմնախնդիրների կենտրոնի համակարգչային մոդելավորման լաբորատորիայի վարիչ[1]։
Աշխատանքները վերաբերում են մաթեմատիկական կենսաչափության հիմնախնդիրներին. զբաղվել է կենսաբանության ու բժշկագիտության հիմնահարցերի լուծման նպատակով մաթեմատիկայի և ծրագրավորման կիրառման եղանակների մշակմամբ[1]։
Աշխատություններ[խմբագրել | խմբագրել կոդը]
- Принципы классификации биологических структур с гетерогенным поведением : (Сценарии биомат. моделирования) : автореферат дис. ... доктора биологических наук : 03.00.02 / АН СССР. Сиб. отд-ние. Ин-т биофизики. - Красноярск, 1989. - 52.[2]
Ծանոթագրություններ[խմբագրել | խմբագրել կոդը]
- ↑ 1,0 1,1 Ով ով է. Հայեր. Կենսագրական հանրագիտարան, հատոր երկրորդ, Երևան, 2007, էջ 688։
- ↑ «Ордуханян, Ашот Арсенович - Принципы классификации биологических структур с гетерогенным поведением : (Сценарии биомат. моделирования) : автореферат дис. ... доктора биологических наук : 03.00.02 - Search RSL». search.rsl.ru. Վերցված է 2019 թ․ ապրիլի 6-ին.