Քինգը ծնվել և մեծացել է Կալիֆոռնիա նահանգի Լոս Անջելես քաղաքում։ Կալիֆոռնիայի համալսարանում ստացել է արվեստի բակալավրի աստիճան և ավարտել է Եյլի համալսարանը, որտեղ խաղացել է բազմաթիվ թատերական բեմադրություններում, ապա նկարահանվել է մի շարք կարճամետրաժ ֆիլմերում, ինչը նրան դերեր է բերել «Կապույտ արյուն» և «Շահագրգիռ անձ» հեռուստասերիալներում[1]։
2012 թվականին Քինգը ստացել է The CW հեռուստաալիքի «Բժիշկ Էմիլի Օուենս» սերիալի գլխավոր դերերից մեկը, որը փակվել է առաջին եթերաշրջանից հետո։ Ապա նկարահանվել է «Սոխային նորությունների կայսրություն» կատակերգական պիլոտում[2], «Չորս» անկախ ֆիլմում կանացի դերի կատարման համար արժանացել է քննադատների գովասանքին[3][4]։ 2014 թվականին նկարահանվել է ABC-ի «Սև արկղ» սերիալում։ Ավելի ուշ Քինգը ստացել է ABC-ի Շոնդա Ռայմսի «Ինչպես խուսափել սպանության համար պատժից» սերիալի գլխավոր դերերից մեկը[5]։ 2015 թվականին ստացել է «Ազգի ծնունդը» պատմական կինոֆիլմի (որը հիմնված էր 1831 թվականի Նեթ Թյորների ղեկավարությամբ ստրուկների ապստամբության վրա) գլխավոր կանացի դերը։ Ֆիլմում նաև ներգրավված են եղել Նեյթ Պարկերը, Օնժանյու Էլիսը, Արմի Համերը և Գեբրիել Յունիոնը[6]։