Արաալ (իսպ.՝ Arahal), մունիցիպալիտետ Իսպանիայում։ Գտնվում է Սևիլյա պրովինցիայում (Անդալուսիա ինքնավար համայնքում)։ Տարածքը կազմում է 201,9 կմ2։ Բնակչությունը՝ 19 335 մարդ (2010 թվականի տվյալներով)։ Պրովինցիայի վարչական կենտրոնից գտնվում է 45 կմ հեռավորության վրա։
Քաղաքը հիմնադրվել է նախքան Հռոմեական կայսրությունը և Հռոմեական իշխանության ժամանակ կոչվել է Կալուկուլա։ 1248 թվականի հուլիսի 22-ին Ֆեռնանդո III-ը գրավեց քաղաքը, որը ռազմավարական նշանակություն ուներ 2 օր անց Մորոն դե Ֆրոնտերա քաղաքի գրավման համար։
Արաալի կլիման միջերկրածովային է, որին բնորոշ է շոգ և չոր ամառը։ Մյուս կողմից, ձմեռը մեղմ է և խոնավ։
Ամենաբարձր ջերմաստիճանը, որը պաշտոնապես գրանցվել է, եղել է 1995 թվականի հուլիսի 23-ին և կազմել է 49 °C՝ ըստ Անդալուսիայի վիճակագրական ընկերության տվյալների։
Ջերմաստիճանի և տեղումների տարեկան միջին ցուցանիշները Արաալ (1995)