Փյունիկիայի տիրապետության ներքո Բանիասը եղել է կարևորագույն նավահանգիստ։ Հույների գերիշխանության ժամանակ այն հայտնի էր որպես Բալեմիա։ Ունեցել է բազմաթիվ այգիներ։ Մեր ժամանակներում քաղաքը հայտնի է իր նավթավերամշակման գործարաններով։ Բազմաթիվ են հնուց մնացած ցիտրուսային այգիները։
Քաղաքն գտնվում է երկրի արևմտյան մասում։ Տեղակայված ծովի մակարդակից 9 մ բարձրության վրա, 55 կմ հարավ երկրի գլխավոր նավահանգիստ համարվող Լաթակիայից և 35 կմ հյուսիս Տարտուս քաղաքից[1]։ Քաղաքի միջով անցնում է Բանիաս գետը, որը թափվում է Միջերկրական ծով։
2008 թվականի մարդահամարի տվյալների համաձայն քաղաքն ունի 42 128 բնակիչ[2]։ Իսկ համանուն շրջանն իր շրջակա 36 գյուղերով և ավաներով կազմում է 94,832 մարդ[3]։