Գրիգոր Թորոսյան (նկարիչ)

Անվան այլ կիրառումների համար տե՛ս՝ Գրիգոր Թորոսյան (այլ կիրառումներ)

Վիքիպեդիայում կան հոդվածներ Թորոսյան ազգանունով այլ մարդկանց մասին։

Գրիգոր Թորոսյան
Ծնվել է	ապրիլի 8, 1948(1948-04-08) (76 տարեկան)
Ծննդավայր	Երևան, Հայկական ԽՍՀ, ԽՍՀՄ
Կրթություն	Փանոս Թերլեմեզյանի անվան գեղարվեստի պետական քոլեջ և Երևանի պետական գեղարվեստա-թատերական ինստիտուտ
Մասնագիտություն	նկարիչ
Անդամակցություն	Հայաստանի նկարիչների միություն և Հայաստանի կինեմատոգրաֆիստների միություն

Գրիգոր (Գրիշա) Կարապետի Թորոսյան (ապրիլի 8, 1948(1948-04-08), Երևան, Հայկական ԽՍՀ, ԽՍՀՄ), հայ նկարիչ։ Հայաստանի նկարիչների (1976 թվականից), Հայաստանի կինեմատոգրաֆիստների (1987 թվականից) միությունների անդամ է։

Կենսագրություն

Գրիգոր Կարապետյանը ծնվել է 1948 թվականին Երևանում։ 1964 թվականին ավարտել Է Երևանի գեղարվեստի ուսումնարանը, 1970 թվականին՝ Երևանի գեղարվեստա-թատերական ինստիտուտը։ 1969-1974 թվականներին եղել է «Էկրան» հանդեսի, 1991-1994 թվականներին՝ «Երկիր», 1997 թվականից՝ «Հայոց աշխարհ» թերթերի գեղարվեստական խմբագիր, 1974-1980 թվականներին ՝ Մոսկվա կինոթատրոնի գլխավոր նկարիչ, 1980-1999 թվականներին՝ Հայֆիլմի բեմադրող-նկարիչ։ 1996 թվականից դասավանդում Է Երևանի Փանոս Թերլեմեզյանի անվան գեղարվեստի պետական քոլեջում։ 1998-2003 թվականներին եղել է Հայաստանի նկարիչների միության վարչության և գեղանկարչության բաժանմունքի բյուրոյի անդամ։

Ստեղծագործություններ

Ստեղծել Է բնանկարներ («Սևան», 1982 թվական), պատկերներ («Լուսամուտ», 1982 թվական), խորհրդանշական կոմպոզիցիաներ («Միստիկա», 1990 թվական, «Քարոնի նավակը երկրում», 1991 թվական, «Եկեղեցի», 2000 թվական), դիմանկարներ («Կոմիտաս», 1995 թվական) և գրաֆիկական շարքեր։

Ֆիլմեր

Որպես բեմադրող-նկարիչ հանդես է եկել հետևյալ ֆիլմերում՝

• «Աշնան արև» (1977)
• «Թթենի» (1979)
• «Լիրիկական երթ» (1981)
• «Անուշ մայրիկը» (1983)
• «Վառած լապտեր» (1983)
• «Կապիտան Առաքել» (1986)
• «Օդապարուկի օրը» (1986)
• «Մեզանից երեքը» (1988)
• «Բումերանգ» երգիծական ժողովածուներ