Երևանի գլխավոր ճարտարապետ
Երևանի գլխավոր ճարտարապետ՝ Երևան քաղաքի աշխատակազմի առանցքային պաշտոններից մեկը։ Երևանի գլխավոր ճարտարապետը վերահսկում է քաղաքապետարանի աշխատակազմի ճարտարապետության և քաղաքաշինության, քաղաքաշինության և հողի վերահսկողության վարչությունների և քաղաքաշինական գործունեության հատուկ կարգավորման ծրագրերի բաժնի աշխատանքները[1]։
Պատմություն[խմբագրել | խմբագրել կոդը]
![](http://chped.net/https/upload.wikimedia.org/wikipedia/commons/thumb/1/11/%D4%B5%D6%80%D6%87%D5%A1%D5%B6%D5%AB_%D5%B0%D5%A1%D5%BF%D5%A1%D5%AF%D5%A1%D5%A3%D5%AB%D5%AE%D5%A8.jpg/220px-%D4%B5%D6%80%D6%87%D5%A1%D5%B6%D5%AB_%D5%B0%D5%A1%D5%BF%D5%A1%D5%AF%D5%A1%D5%A3%D5%AB%D5%AE%D5%A8.jpg)
Մինչ Խորհրդային կարգերի սահմանումը ըստ երևույթին նման պաշտոն չի եղել, իսկ քաղաքին վերաբերվող ճարտարապետական հարցերը պատվիրակվել են տարբեր կառույցներում պաշտոն զբաղեցնող կամ անհատ ճարտարապետների։ Նման օրինակ աշխատանք է իրականացրել ճարտարապետ ու ինչպես նրան ներկայացնում են հիշատակությունների մեջ[2] քաղաքային տեխնիկ Բորիս Մեհրաբյանը, ով 1906-1911 թվականներին ստեղծեց Երևան քաղաքի սիտուացիոն հատակագիծը՝ ամենամանրամասն քարտեզը, որ գոյություն է ունեցել մինչ այդ։ Այս հատակագիծը մեծապես օգնեց նաև Ալեքսանդր Թամանյանին, ով Առաջին հանրապետության տարիներին սկսեց գծել Երևանի նախագծային հատակագիծը, որն ավարտեց 1924-1925 թվականներին։
Երևանի առաջին ճարտարապետն է եղել Նիկողայոս Բունիաթյանը 1924-1938 թվականներին։
# | Լուսանկար | Անուն | Պաշտոնավարման տարիներ |
---|---|---|---|
1 | ![]() |
Նիկողայոս Բունիաթյան | 1924-1938 |
2 | Մարկ Գրիգորյան | 1939-1951 | |
3 | Գրիգոր Աղաբաբյան | 1951—1959 | |
4 | Էդուարդ Սարապյան | 1959-1964 | |
5 | Էդուարդ Պապյան | 1964-1971 | |
6 | Ջիմ Թորոսյան | 1971-1982 | |
7 | ![]() |
Գուրգեն Մուշեղյան | 1982-1990 |
8 | Ռոմեո Ջուլհակյան | 1990-1991 | |
9 | Մկրտիչ Մինասյան | 1991-1993 | |
10 | Ասլան Մխիթարյան | 1993-1996 | |
11 | ![]() |
Գուրգեն Մուշեղյան | 1996 |
12 | ![]() |
Արթուր Մեսչյան | 1996 - 1997 |
13 | Համլետ Խաչատրյան | 1997-2000 | |
14 | ![]() |
Նարեկ Սարգսյան | 2000-2004 |
15 | Սամվել Դանիելյան | 2004-2011 | |
16 | ![]() |
Նարեկ Սարգսյան | 2011-2013 |
17 | ![]() |
Տիգրան Բարսեղյան | 2013-2018 |
18 | ![]() |
Արթուր Մեսչյան | 2018 - 2024 |
Պաշտոնական լիազորություններ[խմբագրել | խմբագրել կոդը]
Երևանի գլխավոր ճարտարապետի լիազորություններն են՝
1) քաղաքապետի հանձնարարությամբ իրականացնում է ավագանու և քաղաքապետի մոտ քննարկվելիք քաղաքաշինության վերաբերյալ հարցերի նախապատրաստումը և դրանց նախնական քննարկումը.
2) կազմակերպում և ապահովում է քաղաքաշինության և ճարտարապետության ոլորտների զարգացումն ապահովող և գործունեությունը կանոնակարգող իրավական ակտերի նախագծերի մշակումը, ներկայացնում առաջարկություններ քաղաքաշինական գործունեության կանոնակարգման վերաբերյալ.
3) ապահովում է քաղաքապետարանի քաղաքաշինության ոլորտի զարգացման և գործունեության ամենամյա և քառամյա աշխատանքային ծրագրերի մշակումը.
4) ապահովում է քաղաքի առանձին հատվածների կառուցապատման և վերակառուցման քաղաքաշինական և ներդրումային ծրագրերի մշակումը, հետևողական աշխատանքներ է իրականացնում մայրաքաղաքի ներդրումային վարկանիշի ձևավորման ուղղությամբ.
5) ապահովում է Երևանի գլխավոր հատակագծի իրականացման միջոցառումների ծրագրի մշակումը և իրագործումը.
6) ապահովում է մայրաքաղաքի քաղաքաշինական զարգացման հայեցակարգի, ինչպես նաև կանխատեսումային ծրագրերի մշակումը.
7) քաղաքաշինական գործունեության իրականացման ընթացքում ապահովում է քաղաքի տարածքի օգտագործման համապատասխանությունը հաստատված քաղաքաշինական ծրագրային փաստաթղթերին.
8) օժանդակում է Երևանի քաղաքաշինական կադաստրի համակարգի ձևավորման և գործունեության կազմակերպման աշխատանքներին:
9) քաղաքապետի հանձնարարությամբ իրականացնում էայլ գործառույթներ:[3]
Ծանոթագրություններ[խմբագրել | խմբագրել կոդը]
- ↑ «yerevan.am | Պաշտոնական կայք | Քաղաքապետարան». www.yerevan.am. Վերցված է 2020 թ․ հունիսի 9-ին.
- ↑ markgrigorian (2011 թ․ ապրիլի 26). «Продолжение эссе о Ереване». Марк Григорян. Վերցված է 2020 թ․ հունիսի 9-ին.
- ↑ Երևանի քաղաքապետարանի աշխատակազմի կանոնադրություն. Երևան. 2013. էջ 6.
{{cite book}}
: CS1 սպաս․ location missing publisher (link)