Եթե հատուկ նշված չէ, ապա բոլոր արժեքները բերված են ստանդարտ պայմանների համար (25 °C, 100 կՊա)
Իզոքինոլին, օրգանական միացություն, նշի հոտով անգույն բյուրեղներ են, հալման ջերմաստիճանը՝ 24,5 °C, եռմանը՝ 243 °C։ Իզոքինոլին վատ է լուծվում սառը ջրում, լավ՝ օրգանական լուծիչներում։ Քիչ քանակությամբ պարունակվում է քարածխի խեժում, որից էլ անջատում են։ Իզոքինոլինի և դրա ածանցյալները ստացվում են թթուների (ß–ֆենիլէթիլամիդների ցիկլոդեհիդրատացումից ստացվող 3,4-դիհիդրոիզոքինոլինների դեհիդրումից։ Իզոքինոլինի օղակը մտնում է մի շարք կարևոր ալկալոիդների (մորֆինի, կոդեինի և այլն) կառուցվածքի մեջ։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 4, էջ 317)։