Լուսանկարման հնարավորություն
![](http://chped.net/https/upload.wikimedia.org/wikipedia/commons/thumb/5/54/Bush-USS-Lincoln.jpg/225px-Bush-USS-Lincoln.jpg)
Լուսանկարման հնարավորություն (անգլ. ժարգ.՝ photo opportunity կամ photo opp, կամ էլ՝ անգլ.՝ photo op), հարմար պահ նկարելու կամ քաղաքական գործչի կամ նշանակավոր անձի լուսանկարչական ապարատի դիմաց հարմար դիրքավորվելու համար[1]։ Սիրողական նկարիչների շարքում տերմինն օգտագործվում է լավ լուսանկար նկարելու ցանկացած հնարավորություն նկարագրելու համար։
Ծագումնաբանություն[խմբագրել | խմբագրել կոդը]
Տերմինի ծագումը կապված է Նախագահ Ռիչարդ Նիքսոնի վարչակազմի հետ։ Ուիլյամ Սաֆիրը տերմինի ստուգաբանությունը վերագրում է մամուլի քարտուղար Ռոն Զիգլերի օգնական Բրյուսով Վելիկանին։ Զիլգերը հրամայել է. «Թող ներս մտնեն, նկարեն», իսկ Վելիխանը Սպիտակ տան մամուլի կենտրոնին հնազանդ հայտարարել Է. «Օվալաձև գրասենյակում կա լուսանկարման հնարավորություն»[2]։
Տերմինը բացասական երանգ է ստացել այն դեպքերի նկարագրության համար, որոնք վերաբերում են լուրերի տակ քողարկված մանրակրկիտ ծրագրավորված կեղծ միջոցառումներին[3]։ Դա ասոցացվում է քաղաքի կանաչապատման, աղբահավաքի կամ տարեցների տներ այցելելու հետ, ինչը հաճախ նախընտրական մրցարշավի ժամանակ էր արվում՝ կադրերում հայտնվելու մտադրությամբ, ինչը դրական փաբլիսիթի կառաջացներ։
Կիրառման պրակտիկա[խմբագրել | խմբագրել կոդը]
Գրեթե ծիսական լուսանկարների հնարավորությունների թվում հանդիպում են. երբ գագաթաժողովների մասնակիցները դուրս են գալիս իրենց մեքենաներից, ձեռքեր են սեղմում կամ համբուրում, կամ փաստաթուղթ են ստորագրում[1]։ Սպիտակ տան պաշտոնական, նախապես ծրագրված ֆոտոսեսիաները արմատներով գնում են 1930-ական թվականներ, երբ Ֆրանկլին Ռուզվելտի մամուլի քարտուղարը լուսանկարիչներին խորհուրդ էր տալիս խուսափել սայլակի մեջ նստած նախագահի նկարահանումներից[4]։
Տերմինի մեկ այլ օգտագործում վերաբերում է հիշարժան վայրում՝ ինչպես, օրինակ, զվարճանքների այգում, կենդանաբանական այգում, շոուներից հետո, և այլն, նախապես պլանավորած լուսանկար անելուն[5]։
Ծանոթագրություններ[խմբագրել | խմբագրել կոդը]
- ↑ 1,0 1,1 «Photo Op», an article about the buzzword at a BBC webpage
- ↑ New York Times ON LANGUAGE; In Nine Little Words, WILLIAM SAFIRE Published: March 26, 1989
- ↑ "Commentary (The Photo Opportunity)", from CBS Evening News for Saturday, July 27, 1991; at the Vanderbilt Television News Archive
- ↑ «Photo Op»
- ↑ «Photo Op» Արխիվացված 2010-11-02 Wayback Machine among dinosaurs