Կլիմայի աղյուսակը ցույց է տալիս տվյալ վայրի կլիման:
Վերևի շարքում գրված տառերը ամիսներն են` հունվար, փետրվար, և այլն: Սանդղակներն ու թվերը փոխանցում են հետևյալ տեղեկությունները: Կապույտ սանդղակը ցույց է տալիս յուրաքանչյուր ամսվա տեղումների գումարը (անձրևի, ձյան և այլն): Կապույտ թվերը` տեղումների գումարը միլիմետրով (մեկ քառակուսի մետրին` մեկ լիտր) կամ դյույմով: Կարմիր թվերը` յուրաքանչյուր ամսվա միջին օրական բարձր և ցածր ջերմաստիճանը, իսկ կարմիր սանդղակը ցույց է տալիս միջին օրական ջերմաստիճանի տևողությունը յուրաքանչյուր ամսվա համար: Բարակ մոխրագույն գիծը` 0 °C կամ 32°F` սառեցման կետը, կողմնորոշման համար:
Ինչպես տեսնում ենք աղյուսակում, Մարիբորն ունի բարեխառն կլիմա տաք ամառով և սառը ձմեռով: Այն հյուսիսային կիսագնդում է, որի առավելագույն ջերմաստիճանը հուլիս - օգոստոս ամիսներին է: Ջերմաստիճանը Լաբուանում, որը գտնվում է հասարակածին մոտ, ամբողջ տարվա ընթացքում համարյա չի փոփոխվում: Տարվա սկզբին կա մի չոր շրջան, որին հաջորդում է խոնավ սեզոնի հետ տեղումների բարձր քանակ: Կուսկոն նույնպես գտնվում է արևադարձային գոտում, բայց ավելի մեծ բարձրության վրա է` Անդերի լեռներում, և շատ չոր: Գրեթե նման է Լաբուանին, ամբողջ տարվա ընթացքում օրական բարձր ջերմաստիճանը համարյա չի փոփոխվում, բայց բարձրության շնորհիվ զգալիորեն սառն է: Կուսկոյի գիշերները ավելի սառն են, քան օրվա ընթացքում, հատկապես չոր ամիսներին` մայիսից օգոստոս: