Կլոն (հեռուստասերիալ)
Այս հոդվածն աղբյուրների կարիք ունի։ Դուք կարող եք բարելավել հոդվածը՝ գտնելով բերված տեղեկությունների հաստատումը վստահելի աղբյուրներում և ավելացնելով դրանց հղումները հոդվածին։ Անհիմն հղումները ենթակա են հեռացման։ |
Կլոն | |
---|---|
Ժանր | հեռուստանովել |
Ստեղծող | Գլորիա Պերեզ |
Երկիր | Բրազիլիա |
Լեզու | Պորտուգալերեն |
Ռեժիսոր | Ժայմե Մոնժարդիմ |
Գլխավոր դերերում | Վերա Ֆիշեր, Ջիովաննա Անտոնելլի, Cynthia Falabella?, Մուրիլու Բենիսիու, Luciano Szafir?, Reginaldo Faria?, Ժուլիանա Պաես, Ումբերտո Մարտինս, Victor Fasano?, Դալտոն Վիգ, Դանիելա Էսկոբար և Էլիանե Ժեռարդինի |
Օպերատոր | Ժայմե Մոնժարդիմ<br /Մարիո Մարսիու Մոնդարա Մարկուս Շեչտման |
Պատմվածքի վայր | Ռիո դե Ժանեյրո և Մարոկկո |
Եթերաշրջանների քանակ | 1 |
Սերիաների քանակ | 221 (օրիգինալ ցուցադրում) 250 (միջազգային ցուցադրում) |
Էկրաններին է | հոկտեմբերի 1, 2001-ից հունիսի 15, 2002-ը |
Հեռուստաալիք | Ռեդե Գլոբո |
Ընկերություն | Globo TV |
Կարգավիճակ | Ավարտված |
«Կլոն» (պորտ.՝ O Clone), բրազիլական հեռուստանովել։ Ստեղծվել է «Գլոբո» հեռուստաընկերության կողմից և համարվում է ամենահաջողվածն ընկերության պատմության մեջ։ Սերիալում շոշափված են այնպիսի հիմնահարցեր, ինչպիսիք են իսլամական մշակույթը և բարքերը, բժշկական էթիկան, ինչպես նաև թմրանյութերից կախվածությունը։
Հեռուստանովելն առաջին անգամ Բրազիլիայում ցուցադրվել է 2001 թվականի սեպտեմբեր ամսին՝ Նյու Յորքում տեղի ունեցած ահաբեկչությունից մի քանի շաբաթ անց և իսլամի աշխարհին վերաբերելու պատճառով իր մեջ մեծ ռիսկ էր պարունակում։ 2010 թվականի դրությամբ այն ցուցադրվել է 90 երկրում։ Հեռուստասերիալ հրավիրվել են թմրանյութերից քիմիական կախվածությունը հաղթահարած իրական անձինք, որոնք պատմել են իրենց պատմությունը։
Սյուժե[խմբագրել | խմբագրել կոդը]
Պատմությունն սկսվում է Ռիո դե Ժանեյրոյում։ Ջեյդը, ով երիտասարդ մուսուլմանուհի է, կորցնում է մորը ու վերադառնում Մարոկկո` հորեղբայր Ալիի մոտ, ով ավանդապաշտ մուսուլման է։ Այդ նույն ժամանակ մեծահարուստ Ֆերասների ընտանիքը մեկնում է Եգիպտոս այնուհետև Մարոկկո հանգստի։ Լեոնիդաս Ֆերասն ունի երկվորյակ տղաներ` Լուկաս ու Դիոգո։ Նրանց ուղեկցում է հայտնի բժիշկ Ավգուստո Ալբիերին։ Լեոնիդաս Ֆերասը մտերիմ հարաբերությունների մեջ է Իվետի հետ։ Իվետը չիմանալով, որ Դիոգոն Լեոնիդասի որդին է` նրա հետ ունենում է սիրավեպ, ինչը դառնում է Լեոնիդասի և Դիոգոյի վիճաբանության պատճառը։ Լուկասն Ալբիերիի հետ այցելում է` Ալբիերիի ընկեր` Ալիի տուն, որտեղ գաղափարապես անվերջ բանավիճող Ալբիերին և Ալիին ընկնում են զրույցով. Լուկասը մի պահ առանձնանում է, և տեսնում Ջեյդին, որը, պարում է։ Նրանց մեջ առաջանում է մեծ սեր։ Դիոգոն վերադառնում է Բրազիլիա, և ուղաթիռով ուղևորվում Մայիզայի ծնունդին։ Նա վթարի է ենթարկվում, և մահանում։ Այդ նույն պահին Լուկասը դառնում է անապատի քամու հարվածի զոհ, և հայտնվում բեդուինների մոտ։ Չկարողանալով հաղթահարել սանիկի մահը, Ավգուստո Ալբիերին վերցնելով Լուկասի բնածին խալը բեղմնավորում է Դեյուզայի ձվաբջիջը. ամիսներ անց ծնվում է Լեոն գենետիկական գրեթե նույն հիշողություններով։ Նա նույնպես Ալբիերիի հետ այցելում է Ալլիի տուն, որտեղ նույն կերպ տեսնում է պարելիս Ջեյդին, և սիրահարվում։ Զորայդեի գուշակությունն իրականանում է` անցյալն ու ապագան հատվում են մի կետում։ Ջեյդին մնում է ընտրելու վերադառնալ անցյալ թե ուղևորվել ապագա։
Դերերում[խմբագրել | խմբագրել կոդը]
- Մուրիլու Բենիսիու - Լուկաս Ֆերեր, Դիոգո, Լեո,
- Ջիովաննա Անտոնելլի - Ջեյդ (Կլոն) էլ Ադիբ,
- Վերա Ֆիշեր - Իվետ,
- Ռեժինալդու Ֆարիա - Լեոնիդաս Ֆերաս (Լեոնսինյո)
- Նեուզա Բորժես - Դալվա,
- Թոնի Ռամոս - Մայիսայի երկրորդ ամուսին
- Ժանդիրա Մանտինի - Զորաիդե,
- Լետիսիա Սաբատելլա - Լատիֆա էլ Ադիբ Ռաշիդ,
- Նիվեա Մարիա-Էդնա Ալբիերի
- Անտոնիո Կալլոնի - Մուհամեդ,
- Ժուկա դե Օլիվեյրա - Աբգուստո Ալբիերի,
- Ստենիո Գարսիա - Հորեղբայր Ալլի էլ Ադիբ,
- Ֆրանսիսկու Կուոկու- Հայր Մատիոլի,
- Դանիելա Էսկոբար - Մայիզա,
- Մարա Մանզան- Օդետ (Հրաբուխ կին),
- Ադրիանա Լեսա - Դեյուզա դա Սիլվա,
- Կարլա Դիաս - Խադիջա,
- Ստեֆանի Բրիտու - Սամիրա,
- Թաիզ Ֆերսոզա - Թերմինիյա,
- Նիվեա Ստելման - Ռանիյա Սաիդի 2 կինը,
- Տիագու Ֆրագոսա - Ֆեռնանդո,
- Վիկոր Ֆասանո - Օկտավիո,
- Վիվիան Վիկտորետ- Ռեջինինյա
- Դեբորա Ֆալաբելլա - Մել Ֆերաս,
- Մարսելո Նովայիս-Շանդե
- Տոտիա Միրելես-Լաուրինդա
- Ժուլիանա Պաես - Կառլա,
- Դալտոն Վիգ - Սաիդ,
- Ռուտ Դե Սոուզա - Տիկին Մոսինիա,
- Լեա Գարսիա - Մորաքույր Լոլա,
- Էլիանե Ժիարդինի - Լալա Նազիրա,
- Ռաուլ Գազոլլա - Միրո
- Պերի Սալես - Եղբայր Մուստաֆա
- Էլիզանժելա- Նոեմիա
- Բեթ Գուլարտ - Լիդյանե
- Քրիստիանա Օլիվեիրա - Ալիսինիա
- Ումբերտո Մարտինս - Ալիսինիայի ընկերը
Սերիալ հրավիրված հայտնի դեմքեր
- Ալեսանդրո Սաֆինա - Ինքն իր դերում,
- Պելե - իր դերում
- Ռոնալդինիո - իր դերում
- Մայքլ Բոլթոն- իր դերում
Երաժշտական ձևավորում[խմբագրել | խմբագրել կոդը]
Հեռուստասերիալի երաժշտական ձևավորումը կատարել է կոմպոզիտոր Մարկուս Վիանան, որը վերակենդանացնելով մի շարք արաբական, սիրիական, եգիպտական երգեր ձայնագրել է դրանք սիրիացի երգիչ՝Թոնի Մոզայեկի և Ժիզել Բոմենտրիի հետ։ Վերջիններս նաև մասնակցություն են ունեցել հեռուստասերիալի կադրային նկարահանումներին։ Հեռուստասերիալում հնչել են ինչպես նաև՝ Մայքլ Բոլթոնի, թուրք երգչուհի Աջդա Պեկկանի և Լարա Ֆաբիանի կատարումները։
Փաստեր[խմբագրել | խմբագրել կոդը]
- Չնայած Գլորիա Պերեզին հաջողվում է հավաքագրել Ռեդե Գլոբոյի լավագույն դերասաններին, այնուամենայնիվ, դերասանների ընտրությունը տեղի է ունեցել շատ դժվար, քանի որ շատ ճանաչված դերասաններ հրաժարվում էին իրենց դերերից իմանալով` կերպարների թեմատիկան, և շոշափված հարցերը։ Շատերը չէին ցանկանում խաղալ իսլամ դավանողի կերպար։
- Ջեյդի դերը առաջարկվել է երեք դերասանուհիների որոնք հերթով հրաժարվել են մարմնավորելուց։ Ի վերջո Սաիդի դերում ընտրված դերասան Դալտոն Վիգը առաջարկում է այդ կերպարում Ջովաննա Անտոնելլիին,որը իր վաղեմի ընկերն էր. նկարահանող անձնակազմը հավանությունն է տալիս։
- Հեռուստասերիալում թմրամլոների մենախոսությունները ընդգրկելու համար տարբեր երկրների այդ թվում ԱՄՆ-ի շատ հեղինակավոր կառույցներ խրախուսել են հեռուստասերիալի սցենարիստ Գլորիա Պերեզին։
- Սերիալի նկարահանումների քիչ հատվածներ են նկարահանվել հենց Մարոկկոյում, քանի որ սաստիկ շոգին տեսանկարահանող սարքերը փչանում էին, իսկ դերասանները ինչպիսին Լետիսիա Սաբատելլան է բոյկոտում էր նման պայմաններում հեռուսասերիալի նկարահանման շարունակությունը։ Բրազիլիայում ստեղծվում է հորեղբայր Ալլի տան մակետը, որտեղ էլ անց են կացվում մնացյալ կադրերի նկարահանումները։
- Հեռուստասերիալում դերասանների տարիքային շեմը պահպանված չէ։ Օրինակ Շանդեի դերասան Մարսելո Նովայիսը` տարիքով ավելի մեծ էր Դանիելա Էսկոբարից(Մայիսա) և Մուրիլու Բենիսիուից (Լուկաս)։ Իսկ իր մոր դերը ներկայացնող Սոլանջ Կոուտոյից փոքր ընդամենը 2 տարի։
- Հեռուստասերիալի 126-րդ սերիայում 38 րոպեին Իվետը ասում է, որ Միրոյի հետ գնում է դիտելու ֆիլմ, որտեղ խաղում է Ջովաննա Անտոնելլին, և որ նա շատ է սիրում Ջովաննա Անտոնելլի դերասանուհուն, որը մարմնավորում էր Ջեյդին նույն սերիալում։
- Ջեյդի բրազիլիայից բերած տեսաժապավենի համբույրի տեսարանում հայտնի դերասանուհի Գլորիա Պիրեշն է։
- Հեռուստասերիալի նկարահանումների ժամանակ հորեղբայր Ալլիի դերասանը ծանր հիվանդանում է ինչն էլ ստիպում է նկարահանող անձնակազմին մի քանի սերիա դուրս թողնել նրան սերիալից։
Պատկերասրահ[խմբագրել | խմբագրել կոդը]
-
Մուրիլու Բենիսիու (Լուկաս, Դիոգո, Լեո)
-
Ջիովաննա Անտոնելլի (Ջեյդ)
-
Վերա Ֆիշեր (Իվետ)
-
Ադրիանա Լեսա (Դեյուզա)
-
Ստենիո Գարսիա (Ալի)
-
Դանիելա Էսկոբար (Մայիսա)
-
Դալտոն Վիգ(Սայիդ)
-
Մարսելո Նովայիս (Շանդե)
-
Մարկոս Ֆրոտա (Էսկոբար)
-
Ժուլիանա Պաես (Կառլա)
-
Տոտիա Միրելես (Լաուրինդա)
-
Սերժիու Մարոնե (Սեսեու)
-
Վիկտոր Ֆեզանու (Տավինյո)
-
Դեբորա Ֆալաբելլա (Մել)
-
Տյագո Ֆրագոսո (Նանդո)
-
Նիվեա Մարիա (Էդնա)
-
Ֆրանսիսկու Կուոկու (Հայր Մատիոլի)
|