Մուն Գա Յանգ (կոր.՝ 문가영, 金鐘雲, ) Հարավկորեացի դերասանուհի։ Առաջին անգամ հանդես է եկել 2006 թվականին «Սիրո ուսուցիչ» ֆիլմում։ Նա հայտնի է «EXO-ի հարևանությամբ» (2015), «Կախարդի հայելի» (2016), «Մի համարձակվիր երազել» (2016), «Mimi» (2014) «Մեծ գայթակղողը» (2018), «Վայկիկի Հյուրատունը 2» (2019) և «Իրական գեղեցկություն» (2020-2021) հեռուստատեսային սերիալներում կատարած իր դերերով։
Մուն Գա Յանգը ծնվել է 1996 թվականի հուլիսի 10-ին, ԳերմանիայիԿարլսրուե քաղաքում։ Երբ նա 10 տարեկան էր, իր ծնողների հետ վերադարձել է Կորեա։
Առաջին անգամ նա հանդես է եկել 2006 թվականին «Ուսուցիչը սիրով» ֆիլմում որպես փոքրիկ դերասանուհի։ 2014 թվականին նա խաղացել է իր առաջին գլխավոր դերը՝ որպես Միմի, չորս մասից բաղկացած միստիկ/ռոմանտիկ դրամայում, որը եթեր է դուրս եկել Mnet կաբելային հեռուստաալիքում։ 2015 թվականի ապրիլին Մուն Գա Յանգը խաղացել է «EXO-ի հարևանությամբ» մինի դրամայում, EXO խմբի անդամների հետ միասին, որը եթեր է հեռարձակվել Naver TV Cast-ում։ Այնուհետև նա փոքր դերեր է խաղացել, «Մի համարձակվիր երազել» և «Ձեր անունը արդարացրեք» հիթային դրամաներում։
2017 թվականին նա նկարահանվել է «Վալս» դրամայում։ 2018 թվականին Red Velvet խմբի Ջոիի հետ միասին նկարահանվել է «Մեծ գայթակղիչը. Սիրային խաղ» ռոմանտիկ դրամայում, որը նկարահանված է 2003 թվականի ֆրանսիական «Untold Scandal» ֆիլմի հիման վրա։ KBS Drama Awards մրցանակաբաշխությունում, լավագույն դերասանուհի անվանակարգում այս դերի համար նա պարգևատրվել է «Excellence Award» մրցանակով։ 2019 թվականին նկարահանվել է «Վայկիկի հյուրատունը» դրամայի երկրորդ եթերաշրջանում։
2020-2021 թվականներին նկարահանվել է «Իրական գեղեցկություն» ռոմանտիկ կատակերգական հեռուստասերիալում։