Ջորջ Հենրի Բոթըն
Ջորջ Հենրի Բոթըն | |
---|---|
![]() | |
Ծնվել է | դեկտեմբերի 4, 1833[1][2] |
Ծննդավայր | Նորիջ, Անգլիա, Մեծ Բրիտանիայի և Իռլանդիայի միացյալ թագավորություն |
Վախճանվել է | հունվարի 19, 1905[1][2] (71 տարեկան) |
Մահվան վայր | Լոնդոն, Մեծ Բրիտանիայի և Իռլանդիայի միացյալ թագավորություն[3] |
Քաղաքացիություն | ![]() |
Մասնագիտություն | նկարիչ, նկարազարդող, լուսանկարիչ և գծանկարիչ |
Ոճ | ռեալիզմ |
Ժանր | ժանրային նկարչություն |
Աշակերտներ | Henry Augustus Ferguson? |
Անդամակցություն | Գեղարվեստի թագավորական ակադեմիա և Cranbrook Colony? |
![]() |
Ջորջ Հենրի Բոթըն (դեկտեմբերի 4, 1833[1][2], Նորիջ, Անգլիա, Մեծ Բրիտանիայի և Իռլանդիայի միացյալ թագավորություն - հունվարի 19, 1905[1][2], Լոնդոն, Մեծ Բրիտանիայի և Իռլանդիայի միացյալ թագավորություն[3]), անգլո-ամերիկացի բնանկարիչ, ժանրային նկարիչ, գրող, նկարազարդող[4]։
Կյանք և գործունեություն[խմբագրել | խմբագրել կոդը]
Բոթընը ծնվել է Անգլիայում՝ Նորֆոլք վարչական շրջանի Նորվիչ քաղաքում։ Նա ֆերմեր Ուիլյամ Բոթընի որդին էր։ 1835 թվականին նրանց ընտանիքը տեղափոխվում է Միացյալ Նահանգներ[5]։ Ապրելով Նյու Յորք նահանգի Օլաենի քաղաքում, նա իր կարիերան սկսում է որպես ինքնուս նկարիչ։ Սկզբնական շրջանում նա ոգեշնչվում է Հուդզոն գետի դպրոցի նկարիչներով[6]։ 19 տարեկանում նա արդեն հայտնի էր որպես բնանկարիչ և 1852 թվականին բացում է իր առաջին ստուդիոն։ 1853 թվականին Ամերիկյան արվեսի միությունը գնում է նրա նկարներից մեկը, որի արժույթով էլ նա 6 ամիս նկարչություն է սովորում Անգլիայում։ Անգլիայում կրթական գործընթացն ավարտելով՝ նա նկարչական ուղևորության է մեկնում դեպի Մեծ Բրիատանիայի լճային երկրամաս, Շոտլանդիա և Իռլանդիա[7]։
ԱՄՆ վերադառնալուց հետո Բոթընը իր նկարները Վաշինգտոնում և Նյու Յորքում ցուցահանդեսների է ներկայացնում, սակայն 1850-ական թվականների վերջին նա վերջապես որոշում է տեղափոխվել Եվրոպա[8]։ 1859-1861 թվականներին Ֆրանսիայում սովորում է Պիեր Էդուարդ Ֆռերի (1819–1886) և Էդուարդ Հարիսոն Մեյի (1824–1887) մոտ։
![](http://chped.net/https/upload.wikimedia.org/wikipedia/commons/thumb/f/f1/George-Henry-Boughton-Pilgrims-Going-To-Church.jpg/320px-George-Henry-Boughton-Pilgrims-Going-To-Church.jpg)
1861 թվականին նա Լոնդոնում բացում է արվեստանոց։ Ապրելով Լոնդոնում նա, այնուամենայնիվ, անդրադարձել է Ամերիկայի գաղութացման թեմային և ինչպես մի ամերիկացի քննադատ նշել է. «Նրա աշխատանքներում տիպիկ բնութագրվում են այս երկրի վաղ պատմությունը»[9]։ Հայտնի են նրա թեմատիկ նկարները, ինչպես օրինակ, «Պուրիտանները գնում են եկեղեցի» (1867)։ «Մեյֆլաուերի վերադարձը» (ցուցադրվել է Նյու Յորքի Գոփիլ պատկերասրահում, 1871 թվականին) նկարն արժանացել է. «Այն կապրի այնքան, որքան մեր հիշողություններում կապրի Մեյֆլաուերը» ներբողին[9]։
Վինսենտ Վան Գոգը, ով 1873–1875 թվականներին ապրում էր Լոնդոնում, հիացած էր Բոթընի «Ուխտագնացություն դեպի Քենթերբերի» (1874) նկարով, որից ոգեշնչվելով աղոթք է ձոնում, երբ որ քահանա էր։ Այդ մասին նա գրել է իր եղբորը՝ Թեոին[10]։ Բոթընի ստեղծագործությունները Ամստերդամում գտնվող Վան Գոգի թանգարանի մի մասն են կազմում։
Բոթընը նկարազարդել է Նաթանիել Հոթորնի «Սկարլետի նամակը», Հենրի Լոնգֆելոի վեպերը, իսկ 1893 թվականին Վաշինգտոն Այրինգի «Ռիպ Վան Ուինքլ» և «Նիրհած Հովիտը», որը հրատարակվել է Լոնդոնում 53 օրինակով։ Լոնդոնցի մի քննադատ մի անգամ ասել է.«Նա կարողանում է հասարակ առարկաների մեջ հոգի ներդնել, որը անգլիացի նկարիչների բաղձալի ցանկությունն էր»։
Բոթընը իր իր նկարները ցուցադրել է և Բրիտանիայում և ԱՄՆ-ում։ Նա 1871 թվականին ընտրվում է Նյու Յորքի Դիզայնի ազգային ակադեմիայի անդամ[11]։ Նա ընտրվել է նաև Նկարիչների թագավորական ակադեմիայի, Գեղարվեստի թագավորական ակադեմիայի ասոցացիայի (ARA) անդամ 1879 թվականին, իսկ 1896 թվականին Գեղարվեստի թագավորական ակադեմիայի (RA) անդամ։ Նա ճանաչված և կարևոր անդամ էր այդ կառույցում։ Նա շատ լավ էր աշխատում և որպես խորհրդի անդամ, և որպես ուսուցիչ դպրոցներում[12]։ Ջոն Կոլքոտ Հորսլիի մահից հետո Ջոնը ընտրվում է «Գեղարվեստի գլխավոր ապահովագրական կազմակերպության» տնօրեն։
1883 թվականին նա ճանապարհորդում է Հոլանդիա, որտեղ նրա նկարազարդած աշխատանքները հրապարակվում են Հարփերի ամսագրում «Նկարչի զբոսանքը Հոլանդիայում» վերնագրով, իսկ հաջորդ տարի Լոնդոնում հրատարակվում է «Կարճատև զբոսակք Հոլանդիայում» վերնագրով (տես գրականությունը)
-
«Առավոտյան զբոսանք ձմռանը» (1864)
-
«Ուխտագնացություն դեպի Քենթերբերի»(1874), Վան Գոգի թանգարան, Ամստերդամ
-
«Ռոզա Սթենդիշ» (1891), անձնական հավաքածու
Բոթընը հաճույքով էր նկարում։ Հետագայում նա մասնակցեց «Անգլիայի արվեստը Լոնդոնի Ազգային պատկերասրահում» ստեղծագործության հրատարակմանը՝ անդրադառնալով Ջորջ Մորլանդի կյանքին և աշխատանքային գործունեությանը[13]։
Բոթընը համագործակցում էր Լոնդոնի նկարիչների ակումբների հետ և հանդիսանում էր Արվեստի ակունբի (1869–1896), Ռեֆորմ ակումբի, Աթենիում ակումբի և Բարլինգտոնի գեղարվեստի ակումբի անդամ նաև հանդիսանում էր Նյու Յորքի Գրոլիեր և Լոտոս ակումբների անդամ։ 1865 թվականին ամուսնանում է Կատրին Լուիս Քալընի հետ (1845-1901)։ Նրանք ունեին մեկ դուստր, Ֆլորենսը, ում որդեգրել էին։ Նա և Ջոն Կոլքոտ Հորսլին Ռիչարդ Նորման Շոուի պատվիրատուներից էին, ով Լոնդոնի Քեմփգոն Հիլում Բոթընների համար տուն է կառուցում։ Տեր և տիկին Բոթընների կազմակերպած խնջույքներին մասնակցում էին անգլո-ամերիկացի նկարիչներ և գրողներ[12]։
Բոթընը ոգեշնչվել է բրիտանացի նկարիչ և նկարազարդող Ֆրեդերիկ Վոլտերի (1840–1875) աշխատանքներով[12]։ 1870 ական թվականներին նա Լոնդոնում հանդիպում է Ջեյմս Ուիսթլերին։ 1878 թվականին ամերիկացի մի տեսաբան բնութագրել է նրանց հետևյալ կերպ. «Շողացող լույս համաշխարհային արվեստում»[14]։ Բոթընը հրատարակել է հուշեր Ուիսթլերի մասին, հատկապես անդրադառնալով նրա հայտնի «Փիքոք սենյակի» աշխատանքներին[15]։ 1877 թվականին նա ծանոթանում է Հենրի Ջեյմսի հետ (1843–1916): Վիպասան Վիոլետ Հանթի (1862–1942) «Նրանց կյանքը» (1921) և «Նրանց սրտերը» նովելները Բոթընի և նրա վաղ սիրավեպի մասին է։ Ավստրալիացի վիպասան Ռոզա Քեմբլ-Փրեդի (1851–1935) «Քրիստինա Չարդ» վեպը (1894) մակագրված է Բոթընի կողմից, քանի որ նա էր առաջարկել գրքի գաղափարը[16]։
1880-1890-ական թվականներին նա համագործակցում էր գաղութային համայնքների հետ, հատկապես Բրոդվեյ գյուղի, որը գտնվում էր Ուորքեստրշիրում։ Գյուղի անաղարտ բնությունը բազմիցս ուշադրության է արժանացել ամերիկացի նկարիչների կողմից։ Նա հաճախ էր Հենրի Ջեյմսի, Էդվին Էբիի, Ջոն Սինգր Սարջենթի հետ այցելում Բրոդվեյ։ 1860-1880-ական թվականներին Հորսլիի և Շոուի միջոցով նա նաև համագործակցում էր Քրենբրուկի նկարիչների հետ։
Բոթընը մահանում է, 1905 թվականի հունվարի 19-ին Լոնդոնի հյուսիսային մասում գտնվող Քեմփդըն Հիլում՝ սրտի հիվանդությունից։ Նա շատ բարի, կենսուրախ, կատակասեր և հյուրասեր էր։ Նա զերծ էր դաժանությունից, չարակամությունից, անհիմն մեղադրանքներից։
Ներկայումս նրա նկարները ցուցադրված են Միացյալ Նահանգների և Եվրոպայի բազմաթիվ թանգարաններում։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 George Henry Boughton — OUP, 2006. — ISBN 978-0-19-977378-7
- ↑ 2,0 2,1 2,2 2,3 2,4 Artists of the World Online, Allgemeines Künstlerlexikon Online, AKL Online (գերմ.) / Hrsg.: A. Beyer, B. Savoy — B: K. G. Saur Verlag, Verlag Walter de Gruyter, 2009. — ISSN 2750-6088 — doi:10.1515/AKL
- ↑ 3,0 3,1 3,2 RKDartists (նիդերլ.)
- ↑ UK records for G H Boughton's birth/death.
- ↑ New York Passengers List, 1820-1957. The barque 'Gratitude' from London, arrival to New York on 8.05.1835. NB: The age of Augustus Boughton is shown as 4 (http://www.ancestry.co.uk).
- ↑ "A Successful Painter" (New York Times, 14 October 1888).
- ↑ Baldry (1904).
- ↑ The 'Pacifice' from Liverpool, arrival to Albany on 24.07.1853 (http://www.ancestry.co.uk).
- ↑ 9,0 9,1 New York Times, 2 April 1871.
- ↑ Van Eck, Xander. Van Gogh and GH Boughton (The Burlington Magazine, vol.132, no. 1049, August 1990) P.539-540.
- ↑ American Art Annual, Volume 5. MacMillan Company. 1905. էջեր 118.
- ↑ 12,0 12,1 12,2 GH Boughton. Obituary (The Times, 21 January 1905).
- ↑ Thomas Humphry Ward. English Art in the Public Galleries of London: the National Gallery, the South Kensington Museum, the National Portrait Gallery - ill. by Goupil & Co. (Walter Armstrong, G.H. Boughton, et al., London, 1887).
- ↑ New York Times, 3 June 1878 (Correspondence of James McNeill Whistler at University of Glasgow).
- ↑ Boughton. A Few of the Various Whistlers I have Known pp. 208-18.
- ↑ New York Times, 20 January 1894.
Գրականություն[խմբագրել | խմբագրել կոդը]
- Boughton, George Henry. Sketching rambles in Holland (New York, Harper & Brothers, 1885).
- Records of The Arts Club, London;
- Boughton, G. H. 'A Few of the Various Whistlers I have Known' (Studio, vol. 30, December 1903) pp. 208–18.
- Baldry, Alfred Lys. G. H. Boughton, R. A. His Life and Work (Virtue & Co, London, 1904).
- Chisholm, Hugh, ed. (1911). . Encyclopædia Britannica (անգլերեն) (11th ed.). Cambridge University Press.
- Paintings and Sculpture in the Collection of the National Academy of Design (New York, 2004. Vol.1) pp. 59–61.
- Գրքեր նկարազարդված Բոթընի կողմից։
- Irving,Բոթընի կո Washington. Rip Van Winkle and, The Legend of Sleepy Hollow (London: New York : Macmillan, 1893)
- Hawthorne, Nathaniel. The Scarlet Letter (1908)
Արտաքին հղումներ[խմբագրել | խմբագրել կոդը]
- G H Boughton online (ArtCyclopedia)
- G H Boughton - short biography (Turak Gallery)
- G H Boughton - short biography Արխիվացված 2011-09-28 Wayback Machine ("The vault at PFAFFs")
- paintings by Boughton Արխիվացված 2011-09-27 Wayback Machine (The Athaenaeum)
- G H Boughton pictures (ArtMagick)
- Hudson River school visions: the landscapes of Sanford R. Gifford, an exhibition catalog from The Metropolitan Museum of Art (fully available online as PDF), which contains material on Boughton (see index)
![]() | Վիքիպահեստն ունի նյութեր, որոնք վերաբերում են «Ջորջ Հենրի Բոթըն» հոդվածին։ |
|
- Դեկտեմբերի 4 ծնունդներ
- 1833 ծնունդներ
- Նորֆոլկ քաղաքում ծնվածներ
- Հունվարի 19 մահեր
- 1905 մահեր
- Լոնդոն քաղաքում մահացածներ
- Անձինք այբբենական կարգով
- Նկարիչներ այբբենական կարգով
- Ամերիկացի նկարիչներ
- Ամերիկացի գրողներ
- Ամերիկացի լուսանկարիչներ
- Բրիտանացի նկարիչներ
- Անգլիացի նկարիչներ
- 19-րդ դարի ամերիկացի նկարիչներ
- 20-րդ դարի ամերիկացի նկարիչներ
- 19-րդ դարի անգլիացի նկարիչներ