Ռիք Յուն
Ռիք Յուն | |
---|---|
Ծննդյան թիվ՝ | օգոստոսի 22, 1971 (52 տարեկան) |
Ծննդավայր՝ | Վաշինգտոն, Կոլումբիայի շրջան, ԱՄՆ |
Քաղաքացիություն՝ | ԱՄՆ |
Մասնագիտություն՝ | սցենարիստ, կինոպրոդյուսեր, հեռուստատեսային դերասան, մոդել, կինոդերասան և դերասան |
IMDb։ | ID 0950935 |
Ռիք Յուն (անգլ.՝ Rick Yune, կորեերեն՝ 윤성식, օգոստոսի 22, 1971, Վաշինգտոն, Կոլումբիայի շրջան, ԱՄՆ), ամերիկացի դերասան, սցենարիստ, պրոդյուսեր, մարտական արվեստների վարպետ և նախկին մոդել։ Նրա ամենահայտնի ֆիլմերից են՝ «Ձյունածածկ մայրիներ» (1999), «Ֆորսաժ» (2001), «Մեռիր, բայց ոչ հիմա» (2002)։ Յունը կատարել է նաև Հայդուի դերը «Նեթֆլիքս» ընկերության «Մարկո Պոլո» հեռուստասերիալում։
Վաղ կյանք և կրթություն[խմբագրել | խմբագրել կոդը]
Յունը ծնվել է Վաշինգտոնում, ունի մոնղոլակորեաչինական ծագում։ Մայրական կողմից նախատատը շանհայական հրեա էր Հունկոու շրջանից[1]։ Փոքր եղբայրը դերասան Կառլ Յուն է։
Յունը սովորել է Մերիլենդ նահանգի Սիլվեր Սպրինգ բնակավայրի քոլեջում։ 1994 թվականին Ուորթոնի բիզնես դպրոցում ստացել է ֆինանսիստի դիպլոմ։ Նա եղել է «S.A.C. Capital Advisors»-ի հեջ ֆոնդի առաջին առևտրականներից մեկը, սակայն ձեռնարկատիրական գործունեություն ծավալելու նպատակով հեռացել է այդտեղից։
Յունը պարապել է տարբեր մարտարվեստներ՝ տեկվանդոում հասնելով օլիմպիական ստանդարտի, և 19 տարեկանում դառնալով ամերիկյան օլիմպիական թիմի լուրջ թեկնածու[2]։ Նա փոխել է իր ազգանվան գրառումը՝ «Yun»-ը դարձնելով «Yune»՝ ի պատիվ ԱՄՆ-ի կինոդերասանների գիլդիայի։
Գործունեություն[խմբագրել | խմբագրել կոդը]
1992 թվականի կեսերին՝ Ուորթոնում սովորելու ընթացքում, Յունը որպես օգնական աշխատել է Ուոլ Սթրիթի աճուրդի տներում։ Այդ ժամանակ նրան արդեն հայտնաբերել էր մոդելային մի գործակալ, և շուտով Յունը դարձավ առաջին ասիաամերիկյան մոդելը, ով մասնակցել է Վերսաչեի և Ռալֆ Լորեն Պոլոի գովազդում։
Կինոյում իր դեբյուտը կատարել է 1999 թվականին՝ Սքոթ Հիքսի «Ձյունածածկ մայրիներ» ֆիլմում խաղալով ճապոնաամերիկյան պատերազմի հերոս Կազուո Միամոտոյի դերը, ում մեղադրում էին հարգարժան ձկնորսին (խաղացել է Դանիել Ֆոն Բարգենը) սպանելու մեջ։ Ֆիլմը Դեվիդ Հաթերսոնի նույնանուն հետպատերազմյան վեպի հարմարեցված տարբերակն է։
2001 թվականին «Ֆորսաժ» ֆիլմում Յունը խաղացել է վիետնամական խմբավորման անգութ առաջնորդ և Վին Դիզելի հերոսի հակառակորդ Ջոն Թրանի դերը։
2002 թվականին «Մեռիր, բայց ոչ հիմա» ֆիլմում Յունը կատարել է բոնդյան չարագործ Զաոյի դերը՝ հանդես գալով Փիրս Բրոսնանի և Հոլի Բերիի հետ[3]։ Նույն տարում, ըստ «People» ամսագրի, նա ընդգրկվել է աշխարհի ամենագեղեցիկ մարդկանց ցանկում[4]։
Յունը հանդես է եկել «VS» խմբի «Call U Sexy» երգի (2004), ինչպես նաև «SWV» խմբի «Someone» երգի (1997) տեսահոլովակներում։ Վերջինում հանդես է եկել նաև Շոն Քոմսը։
2005 թվականին Յունը հանդես է եկել «ABC» ընկերության «Լրտեսը» լրտեսական հեռուստասերիալի երկու դրվագում. նա խաղացել է ժամանակակից սամուրայ Կազու Թամազակիի դերը, ում Սիդնեյում հետապնդում էր Ջենիֆեր Գարների հերոսուհին։ Նա նաև հյուրի դերում հանդես է եկել «ABC» ընկերության «Բոստոնի իրավաբանները» իրավաբանական դրամեդիում և «CBS» ընկերության «C.S.I.Հանցագործության վայրը» քրեական դրամայում։
2006 թվականին մասնակցել է «Scarface: The World Is Yours» վիդեոխաղի հնչյունավորմանը, որը հիմնված է 1983 թվականին նկարահանված «Սպիով դեմքը» ֆիլմի վրա։
Յունը դարձել է «Հինգերորդ պատվիրանը» (2008) արկածային մարտաֆիլմի պրոդյուսերը, որտեղ խաղացել է նաև գլխավոր դերերից մեկը։ Նկարահանման հրապարակում նրա թիմակիցներն էին Դեվիդ Կիտը և Բուկեմ Վուդբայնը։
Մարտարվեստի մասին պատմող «Երկաթյա բռունցք» ֆիլմում Ռասսել Քրոույի և Լյուսի Լյուի հետ միասին հանդես է եկել գլխավոր դերերում[5][6]։
2013 թվականին Յունը խաղացել է չարագործ Կանգա Յոնսակայի դերը «Օլիմպոսի անկումը» մարտաֆիլմում (Ջերարդ Բաթլերի հետ)[7]։
Ծանոթագրություններ[խմբագրել | խմբագրել կոդը]
- ↑ Coming Star, Rick Yune - The Chosun Ilbo (English Edition): Daily News from Korea - art&ent
- ↑ Lesley Jackson. «Rick Yune Interview». Martialedge.net. Արխիվացված է օրիգինալից 2009 թ․ մարտի 3-ին. Վերցված է 2010 թ․ հունվարի 27-ին.
- ↑ Patton, Phil (November 10, 2002). "The Spy Who Drove Me". The New York Times.
- ↑ «Sexiest Pop Sensation - Sexiest Man Alive, Enrique Iglesias». People.com. 2002 թ․ դեկտեմբերի 2. Արխիվացված է օրիգինալից 2011 թ․ հունվարի 9-ին. Վերցված է 2010 թ․ սեպտեմբերի 19-ին.
- ↑ "The Man With The Iron Fists: Rick Yune On His Character". The New York Times. May 6, 2001.
- ↑ «Rick Yune Stars With Russell Crowe in Eli Roth's 'Man With an Iron Fists». thewrap.com. 2011 թ․ մարտի 22. Արխիվացված է օրիգինալից 2012 թ․ օգոստոսի 16-ին. Վերցված է 2011 թ․ մարտի 22-ին.
- ↑ Kit, Borys (2012 թ․ հուլիսի 10). «Melissa Leo and Rick Yune Joining 'Olympus Has Fallen'». The Hollywood Reporter.
Հղումներ[խմբագրել | խմբագրել կոդը]
- Պաշտոնական կայք(անգլ.)
Վիքիպահեստն ունի նյութեր, որոնք վերաբերում են «Ռիք Յուն» հոդվածին։ |
|
- Օգոստոսի 22 ծնունդներ
- 1971 ծնունդներ
- Ապրող անձինք
- Վաշինգտոն քաղաքում ծնվածներ
- Անձինք այբբենական կարգով
- Կինոգործիչներ այբբենական կարգով
- 20-րդ դարի ամերիկացի տղամարդ դերասաններ
- 21-րդ դարի ամերիկացի տղամարդ դերասաններ
- Ամերիկացի կինոպրոդյուսերներ
- Ամերիկացի մոդելներ
- Ամերիկացի սցենարիստներ
- Ամերիկացի տղամարդ կինոդերասաններ
- Ամերիկացի տղամարդ հեռուստատեսային դերասաններ
- Փենսիլվանիայի համալսարանի շրջանավարտներ