Սատանայի կղզու թագավորը (նորվ.՝ Kongen av Bastøy), նորվեգացի կինոռեժիսոր, սցենարիստ Մարիուս Հոլստի ֆիլմը, որը էկրան է բարձրացել 2010 թվականին։ Ֆիլմը հիմնված է իրական դեպքերի վրա, որոնք տեղի են ունեցել Բաստեյ կղզու (Bastøy fengsel) բանտում։
Ֆիլմի իրադարձությունները տեղի են ունենում 1915 թվականին Բաստեյ կղզում գտնվող անչափահասների բանտում։ Բանտը կառավարում է խիստ տնօրենը (Ստելլան Սկարսգորդ) և սադիստ-մանկավարժ Բրոտենը (Քրիստոֆեր Յոներ)։ Կառույցից դուրս կարելի է գալ միայն տնօրենի թույլտվությամբ։ Օլավը (Թրոնդ Նիլսեն), որը հայտնի է որպես C1, վեց տարի է արդեն կղզում է, համակերպվել է տեղի կարգ ու կանոնին, և մոտենում է բանտից ազատվելու նրա ժամկետը։ Կղզի են գալիս նորեկներ Էրլինգը (Բենյամին Հելստադ) և Իվարը (Մագնուս Լանգլետե)։ Եվ եթե վերջինս շուտով դառնում է մանկավարժ Բորտենի զոհը, առաջինը չի կարողանում հանդուրժել մշտական նվաստացումները։
Արժանացել է Ամանդա մրցանակի երեք անվանակարգերում՝ «Լավագույն ֆիլմ», «Երկրորդ պլանի լավագույն դերասան» (Տրոնդ Նիլսեն), «Լավագույն երաժշտություն» (Յուհան Սյոդերքվիստ), 2011