Վատրա Դոռնեյ (ռումիներեն՝ Vatra Dornei, գերմ.՝ Dorna-Watra; հունգ.՝ Dornavátra), քաղաք և նույնանուն համայնքի կենտրոն Ռումինիայի հյուսիսարևելյան մասում՝ պատմական Բուկովինա մարզում, Սուչավայի շրջանում, երկրի մայրաքաղաք Բուխարեստից 328, շրջկենտրոնից՝ Սուչավա քաղաքից 75, Կլուժ-Նապոկայից 147 կիլոմետր հեռավորության վրա[3]։ Զբաղեցնում է 144,34 քառակուսի կիլոմետր տարածք։ Բնակչության թվաքանակը 2009 թվականի տվյալներով եղել է 16.623[4], 2011 թվականի տվյալներով՝ 14.429: Վատրա Դոռնեյը Կարպատյան լեռների հանրահայտ առողջարանային բնակավայրերից է, ունի նաև դահուկային մարզաձևերի հանգրվաններ։ Բացի այդ, համբավվել է որպես պատմական Vatra Dornei Casinoխաղատունը հյուրընկալող քաղաք։
Պատմական փատաթղթերում առաջին անգամ հիշատակվել է 1592 թվականին։ Բուկովինայի մնացյալ մասի հետ 1775-ից մինչև 1918 թվականը գտնվել է նախ՝ Հաբսբուրգների միապետության, այնուհետև ավստրո-հունգարական կայսրության տիրապետության տակ։ Դա քաղաքի համար եղել է բուռն զարգացման ժամանակաշրջան։ 19-րդ դարի սկզբներից Վատրա Դոռնեյը դարձել է հանրահայտ հանգստավայր։
Լուչաֆերուլ փողոցի վրա գտնվող առևտրային հին շրջանը, որը կառուցվել է 18-րդ դարում և ներկայումս՝ որպես պատմական հուշարձան, պահպանվում է պետության կողմից[11]
Ռատուշան, որը կառուցվել է 1897 թվականին և ներկայումս՝ որպես պատմական հուշարձան, պահպանվում է պետության կողմից[11]
Խաղատունը, որը կառուցվել է 1898 թվականին և ներկայումս՝ որպես պատմական հուշարձան, պահպանվում է պետության կողմից[11]
Քաղաքային գրադարանը, որը կառուցվել է 1901 թվականին և ներկայումս՝ որպես պատմական հուշարձան, պահպանվում է պետության կողմից[11]