Վարդան Աղաջանյան
Վարդան (Յոհաննիս) Աղաջանյան | |
---|---|
Անձնական տեղեկություն | |
Սեռ՝ | արական |
Մասնագիտացում՝ | ըմբիշ |
Երկիր՝ | Հունաստան[1] |
Ծննդյան ամսաթիվ՝ | մարտի 21, 1971 (53 տարեկան) |
Ծննդավայր՝ | Երևան, Հայկական ԽՍՀ, ԽՍՀՄ |
Մարզիչ(ներ)՝ | Ռոբերտ Ասրիյան, Ռոբերտ Ներսիսյան, Բաբիս Խոլիդիս |
160 սանտիմետր | |
Վարդան (Յոհաննիս) Միսակի Աղաջանյան (հուն․՝ Ιωάννης Αγκατζανιαν, մարտի 21, 1971, Երևան, Հայկական ԽՍՀ, ԽՍՀՄ), խորհրդային և հունական Հունահռոմեական ոճի ըմբշամարտիկ, Եվրոպայի չեմպիոն (1995), 1996 թվականի Ամառային օլիմպիական խաղերի մասնակից։ ԽՍՀՄ սպորտի միջազգային մակարդակի վարպետ է (1989)[2]։
Կենսագրություն[խմբագրել | խմբագրել կոդը]
Վարդան Աղաջանյանը ծնվել է 1971 թվականի մարտի 21-ին[3] Երևանում։ Հունահռոմեական ոճի ըմբշամարտով սկսել է զբաղվել 10 տարեկան հասակում Ռոբերտ Ասրիյանի ղեկավարությամբ։ Հետագայում նրա հետ աշխատել է նաև Ռոբերտ Ներսիսյանը։ 1988 թվականին դարձել է մինչև 18 տարեկանների աշխարհի չեմպիոն[4]։
1993 թվականին մեկնել է Հունաստան և հետագայում հանդես եկել այդ երկրի կողմից՝ Յոհաննիս Աղաջանյան անվամբ։ 1994 և 1996 թվականներին դարձել է Եվրոպայի առաջնությունների մրցանակակիր՝ երկու անգամն էլ զիջելով միայն հայտնի ռուս ըմբշամարտիկ Զաֆար Գուլիևին[5]։ 1995 թվականին, եզրափակիչ փուլում հաղթելով Գուլիևին, վաստակել է Եվրոպայի չեմպիոնի տիտղոսը։ 1996 թվականին մասնակցել է Ատլանտայում կայացած Օլիմպիական խաղերին՝ զբաղեցնելով 8-րդ տեղը[6]։
1997 թվականին Ըմբշամարտի միջազգային ֆեդերացիան որոշում կայացրեց կրճատել քաշային կարգերի քանակը և լուծարել ամենաթեթև կարգերը։ Ամենաթեթև քաշի շատ մարզիկների նման Աղաջանյանը ևս ստիպված եղավ ավարտել իր սպորտային կարիերան։ Սպորտից հեռանալուց հետո Հունաստանում և Հայաստանում զբաղվում է ձեռնարկատիրական գործունեությամբ։
Ծանոթագրություններ[խմբագրել | խմբագրել կոդը]
- ↑ Sports-Reference.com
- ↑ «Արխիվացված պատճենը» (անգլերեն). Sports-Reference.com. Արխիվացված է օրիգինալից 2009 թ․ հունվարի 6-ին. Վերցված է 24 kwietnia 2015-ին.
{{cite web}}
: More than one of|accessdate=
and|access-date=
specified (օգնություն) - ↑ Որոշ աղբյուրներում ծննդյան օրը սխալմամբ նշվում է մայիսի 21-ը։
- ↑ Agadjanian, Vardan (URS)(անգլ.)
- ↑ «Ioannis Agatzanián» en IAT.uni-leipzig.de (անգլերեն).
- ↑ «Ioannis Agatzanián» Արխիվացված 2012-12-14 Wayback Machine en Sports-Reference.com (SR/Olympic Sports) (անգլերեն).
Արտաքին հղումներ[խմբագրել | խմբագրել կոդը]
- Вардан Агаджанян – օլիմպիական վիճակագրությունը Sports-Reference.com կայքում (անգլ.)
- ΤΟ ΑΓΩΝΙΣΤΙΚΟ «WHO IS WHO» ΤΩΝ ΕΛΛΗΝΩΝ OLYMPIANS(հուն.)
- Ioannis Agatzanian at The-Sports.org
- «Varntan Ioannis Angakatzanian». Sports-Reference.com. Արխիվացված է օրիգինալից 2012 թ․ դեկտեմբերի 14-ին. Վերցված է 2012 թ․ նոյեմբերի 14-ին.