Fake it till you make it
Fake it till you make it (թարգմ․՝ Ձևացրո՛ւ, մինչև դա դառնա իրականություն), արտահայտություն, որը նշանակում է վստահության իմիտացիա այն հաշվարկով, որ հաջողության դեպքում վստահությունը կդառնա իրական։ Այս իմաստով օգտագործվում է նաև մեկ այլ արտահայտություն՝ «act as if» (թարգմ․՝ Վարվի՛ր այնպես, կարծես դա այդպես է»)։
Նպատակն է խուսափել, այսպես կոչված, ինքնաիրականացող մարգարեության ծուղակից, երբ մարդը վախենում է իր իսկ անվստահությունից, օրինակ, մտածելով․ «Ես չեմ կարող խոսել այս աղջկա հետ, քանի որ նա հաստատ կզգա իմ անվստահությունը»։ Prevention ամսագրի «How You Too Can Be an Optimist» հոդվածում նշվում է․ «Ուեյք-Ֆորեստի համալսարանում անցկացված հետազոտության ժամանակ, օրինակ, գիտնականները 50 ուսանողներից կազմված մի խմբի խնդրել են իրենց դրսևորել որպես էքստրավերտ 15 րոպե տևողությամբ բանավեճում, նույնիսկ եթե նրանք այդպիսին չեն։ Որքան ինքնավստահ ու եռանդուն են նրանք իրենց պահել, այնքան ավելի լավ էին իրենց զգում»[1]։
Նաև այն հաճախ խորհուրդ է տրվում որպես դեպրեսիայի դեմ պայքարի թերապևտիկ մեթոդ։ Այս դեպքում գաղափարն այն է, որ միտումնավոր փորձում է վայելել ամենօրյա ռեժիմը՝ առանց հաշվի առնելու հարկադրանքը, մինչև երջանկության զգացումը դառնում է իրական։ Սա, այսպես կոչված, դրական հետադարձ կապի օրինակ է։
Արտահայտությունը հաճախ ասոցացվում է անանուն հարբեցողների հետ, չնայած այն հանգամանքին, որ այն չի հայտնվում անանուն հարբեցողների ծրագրի հիմքը կազմող գրքերում, ինչպիսիք են՝ АА, Alcoholics Anonymous or The Twelve Steps and Twelve Traditions[2]։ AA to Z; An Addictionary of the 12-Step Culture նկարագրում է այն որպես «խորհուրդ, որը հաճախ տրվում է նորեկներին, ովքեր կարծում են, որ իրենք չեն կարողանա հաղթահարել ծրագիրը և կվերադառնան հին ապրելակերպին։ Խորհուրդը ենթադրում է, որ եթե նորեկը գործի փուլերին համապատասխան և հետևի ծրագրի ուսուցմանը, վերջինս կսկսի աշխատել, և անհանգստությունն ինքնըստինքյան կվերանա»[3]։
Քննադատություն[խմբագրել | խմբագրել կոդը]
Կառավարման և կազմակերպման պրոֆեսոր Մարյամ Քուշակի կարծիքով՝ ձևականությունն ու անկեղծությունը ստիպում են մարդուն իրեն «ոչ իրական» զգալ և զգալ բարոյական դիսթրես[4]։
Ծանոթագրություններ[խմբագրել | խմբագրել կոդը]
- ↑ «6 easy ways to be a whole lot more optimistic about anything». Prevention (անգլերեն). 2016 թ․ դեկտեմբերի 7. Արխիվացված օրիգինալից 2021 թ․ հուլիսի 25-ին. Վերցված է 2021 թ․ հուլիսի 25-ին.
- ↑ Alcoholics Anonymous: the story of how many thousands of men and women have recovered from alcoholism.. — Fourth edition. — New York City, 2001. — 575 с. — ISBN 1-893007-16-2 «Արխիվացված պատճենը». Արխիվացված է օրիգինալից 2006 թ․ մարտի 30-ին. Վերցված է 2022 թ․ սեպտեմբերի 23-ին.
- ↑ AA to Z; An Addictionary of the 12-Step Culture Արխիվացված 2011-09-27 Wayback Machine, Christopher Cavanaugh.
- ↑ «The negative side effects of faking it». Cool Hunting (անգլերեն). 2016 թ․ հունվարի 12. Արխիվացված օրիգինալից 2021 թ․ մայիսի 6-ին. Վերցված է 2021 թ․ հուլիսի 25-ին.