Sweetener (հայերեն՝ Քաղցրացուցիչ), Sweetener-ը ամերիկացի երգչուհի Արիանա Գրանդեի չորրորդ ստուդիական ալբոմն է։ Այն թողարկվել է 2018 թվականի օգոստոսի 17-ին Republic Records-ի միջոցով։ Գրանդեն գրել է ալբոմի բոլոր երգերը, բացառությամբ առաջին թրեքի, և դրա պրոդյուսերը վարել են Ֆարել Ուիլյամսը, Չարլզ Անդերսոնը, Hit-Boy-ը, Իլյա Սալմանզադեն և Մաքս Մարտինը՝ Ուիլյամսի, Նիկի Մինաժի և Միսի Էլիոթի հյուրերի մասնակցությամբ։ .
Առաջատար սինգլը՝ «No tears left to cry»-ը, թողարկվել է 2018 թվականի ապրիլի 20-ին և նորամուտը կատարել է ամերիկյան Billboard Hot 100 հիթ-շքերթում՝ հայտնվելով երրորդ հորիզոնականում։ 2018 թվականի հունիսի 20-ին հրատարակվել է «The Light Is Coming» պրոմոսինգլը, նոր ալբոմի նախորդ պատվերի հետ։ Երկրորդ սինգլը՝ «God Is a Woman»-ը հրատարակվել է 2018 թվականի հուլիսի 13-ին[16][17]։
2016 թվականի նոյեմբերի 13-ին Գրանդեն պատահականորեն հայտարարել է իր Սնապչատյան կայք էջում, որ նա ավարտել է նոր ալբոմի պատրաստությունները[18][19]։ 2017 թվականի դեկտեմբերին նա հայտնել է, որ աշխատում է նոր ալբոմի վրա[20]։ 2018 թվականի ապրիլի 17-ին Գրանդեն հայտարարել է, որ առաջին ալբոմային սինգլը՝ «No Tears Left to Cry»-ը կթողարկվի 2018 թվականի ապրիլի 20-ին[21]։ Ալբոմի անվանումը՝ Sweetener-ը, Գրանդեն առաջին անգամ հայտնել է The Tonight Show Starring Jimmy Fallon հաղորդման ժամանակ[22]։ 2018 թվականի մայիսին «Time» ամսագրում պատմեցին (Sam Lansky), որ Գրանդեն առաջին անգամ իր ձեռքն է վերցնում ստեղծագործության հեղինակայնությունը[23]։ Մայիսի վերջին երգչուհին հայտնել է, որ ալբոմը իր մեջ կներառի 15 երգ և երեք երգ այլ երգիչների հետ ինչպիսիք են՝ Միսի Էլիոթը, Նիքի Մինաժը և Ֆարել Վիլյամսը[24]։
2018 թվականի հունիսի 2-ին Գրանդեն հայտնել է Wango Tango համերգին[25], որ նոր ալբոմը հասանելի կլինի նախապատվերի համար, իսկ «The Light Is Coming» պրոմոսինգլը կթողարկվի նրա հետ միասին[26]։ 2018 թվականի հունիսի 27-ին Գրանդեն հայտնել է, որ երկրորդ սինգլը՝ «God Is a Woman»-ը կհրատարաակվի 2018 թվականի հուլիսի 20-ին[16]։ Սակայն 2018 թվականի հուլիսի 12-ին նա փոխել է այդ թողարկման ամսաթիվը՝ 2018 թվականի հուլիսի 13-ը[17]։
Առաջատար սինգլ՝ «No Tears Left to Cry»-ը, հրատարակվել է 2018 թվականիապրիլի 20-ին տեսահոլովակի հետ միասին[21]։ Երգը իր նորամուտը նշել է ամերիկյան Billboard Hot 100 հիթ-շքերթի № 3 հորիզոնականում, դառնալով Գրանդեի համար նրա 9-րդ հիթը Hot 100 top 10 լավագույն տասնյակում և վեցերորդը՝ միանգամից top 10-ում, կիսելով վեցերորդ հորիզոնականը այդ ռեկորդային մրցանակում այնպիսի երգչուհիների հետ ինչպիսիք են Լեդի Գագան և Ռիհաննան[27]։ Այդ սինգլի շնորհիվ Գրանդեն 59-ամյա հիթ-շքերթի մեջ դարձավ առաջին կատարողը, ում հաջողվեց դեբյուտացվել top 10-ում առաջատար սինգլներով, նրա բոլոր չորս ստուդիական ալբոմներից[28]։
«The Light Is Coming» պրոմոսինգլը, ձայնագրված երգչուհի Նիքի Մինաժի մասնակցությամբ, հրատարակվել է 2018 թվականի հունիսի 20-ին նոր ալբոմների նախապատվերներով[26]։ Երգը հասել է № 95 հորիզոնականի Billboard Hot 100 հիթ-շքերթում։